“Кэбээйи улууһугар Олоҥхо тыына баар”

ЕленаПротодьяконова.

«Биир дойдулаахтарбыт күннэрэ» диэн киэҥ программалаах тэрээһини «Кэбээйи улууһа (оройуона)» МТ (Баһылык Спиридонов И. Н., солбуйааччылар Павлов С. С., Полятинская В. П.), «Дуоҕа Боотур» общественнай түмсүү (салайааччы Кычкин А. А.), «I - кы Лүүчүн нэһилиэгэ” МТ (Баһылык Левин Н. И., түмсүү Баһылыга Каратаев П. Д.), «II - с Лүүчүн нэһилиэгэ” МТ (Баһылык Гурьев А. А., түмсүү БаһылыгаАндреева Л. К.), “Мукучу нэһилиэгэ” МТ (Баһылык Сысоева А. И., Кэбээйи улууһун уонна Мукучу түмсүүлэр Баһылыктара Заболоцкая М. В.) дьаһалталар общественноһы кытта кыттыһан, түмсэн тэрийдилэр. Тэрээһин биир тутаах, идеялаах дьоннорунан Дьокуускай куораттааҕы биир дойдулаахтарбыт Марк Петрович Григорьев, Степан Иванович Васильев, Анатолий Павлович Николаев буолаллар.

Программа биир сүрүн тэрээһининэн, бэлиэ түгэнинэн «Бүдүрүйбэт сүһүөхтээх Мүлдьү Бөҕө» Иван Николаев - Куоҕас Уйбаан кинигэтин  сүрэхтэниитэ буолла. Фольклорнай - музыкальнай олоҥхо дьоро киэһэтэ Кэбээйи улууһун Мукучу нэһилиэгэр сэтинньи 6 күнүгэр 5 чааска саҕаланна.

Арассыыйаҕа Литература, СӨ Олоҥхо сылларынан, 1 Лүүчүн  нэһилиэгиттэн төрүттээх, уус тыллаах Ийэ олонхоһут Иван Николаев - Куоҕас Уйбаан төрөөбүтэ 110 сааһын туолар үбүлүөйүн көрсө ананна.

“Дайан” СК киирэр фойетыгар “Олонхо дойдута” диэн илиинэн оноһуктар, араас үлэлэр, дакылааттар, кинигэ быыстапкаларын Мастаах нэһилиэгин (Баһылык Гурьев А. А.), Сайылыктааҕы оҕо айымньытын дьиэтэ (дириэктэр Лепчикова М. В., методист Алексеева М. А.), Танара орто оскуолата (дириэктэр Эверстов Е. П.), Мукучу модельнай библиотеката (сэбиэдиссэй Иванова А. А.) тэрийдилэр.